William Butler Yeats
Si Lidya ug ang Langgam
[Salin: Lamaw/Tungaw]

Kalit nga bugno: nagkapa-kapa pa ang haring pako
Nagpatong sa nakuratang babayi, mga paa giapuhap
Sa itom nga mga tudlo sa langgam, liog gituhak
Wa na'y lingkawas, gunit sya dughan sa dughan.

Unsaon man pagtulod sa nagtuskig nagkurog nga mga tudlo
Niining balhibuong himaya sa iyang nagbukaka nang mga paa.
Ug unsa ma'y mahimo, giduon sa haring kusog,
Niining lawasa kund'i paminawon ang pinitik sa istrangherong dughan?

Usa ka pagkurog tumoy sa paa maoy magpugas
Ug buak nga padir, tore ug atup nga nagdilaab
Ug mamatay gyud si Agememnon.

Tungod sa paglangkob,
Sa pagdang-ag sa mabangisung dugo sa wanang,
Nalabnot kaha sa babayi ang kaalam ug gahum
Sa wa pa sya buhii niadtong wa na'y panumbaling nga tuhak?

1924, 1928